Djóni til Skopje við U20

Dagarnar 20. til 29. juli er Skopje í Makedonia karmur um EM-undankapping fyri U20 landslið í hondbólti hjá monnum. Føroyska U20 landsliðið er við í kappingini, og ein av leikarunum er okkara egni 18 ára gamli Djóni Jansson Petersen. Djóni og restin av ferðalagnum fóru úr Føroyum í gjár, 18. juli.

Føroyska liðið er í bólki við Hvítarusslandi, Finnlandi, Grikkalandi, Estlandi og Litava. Fyrsti dystur er móti Litava fríggjadagin kl. 13 føroyska tíð, sambært eurohandball.com, og síðsti dystur er hósdagin 26. juli kl. 15. Allir dystir verða leiktir í Boris Trajkovski Arena, sum hevur pláss fyri 6.200 áskoðarum.

Vit ynskja Djóna og liðfeløgunum bestu eydnu við kappingini í Skopje og gleða okkum at fylgja við gongdini.

Til ber at fylgja við landsliðnum á instagram síðuni hjá Hondbóltssambandinum: handball_faroe_islands