Aftur

D18 í steypafinaluni

03 feb 2019

Aftur í ár er StÍF luttakandi felag í finalunum í Faxe Kondi-kappingini (steypakappingini). D18 vunnu seg í gjár, 2. februar, í steypafinaluna eftir ein tryggan sigur á b-liðnum hjá Neistanum.

1. umfar varð leikt 8. desembur í Gundadalshøllini, har luttakandi liðini vóru StÍF, H71, Neistin A og Neistin B. Vinnarin av 1. umfari skuldi spæla hálvfinalu móti nr. 4, og í hini hálvfinaluni skuldu nr. 2 og 3 møtast. Eftir tveir sigrar og eitt tap endaði okkara dreingir á 1. plássið. Neistin b bleiv nummar 4 og tískil skuldu tískil koma til Skálar at spæla hálvfinalu.

Til hálvfinaluna vóru nógvir StÍF-fjepparar møttir, sum stuðlaðu liðnum avbera væl. Okkara dreingir hava spælt móti D18 í landskappingini í ár, har vit vunnu 18-10. Neistaliðið skuldi tó ikki undirmetast, og hetta skuldi heldur ikki gerast nakar trupulleiki. 

Fyrri hálvleikur gekk avbera væl. Við góðum álopspælið saman við eini harðari verju megnaðu dreingir okkara at skjóta 14 mál og einans lata 3 inn, tá farið var til hálvleiks. Tískil skuldi nógv ganga galið í seinna hálvleiki, um 11-máls leiðslan skuldi missast. 

Seinni hálvleikur bleiv eitt sindur meira javnur, men sigurin varð ongantíð í vanda. Tá ið dómararnir bríkslaðu fyri síðstu ferð, stóð 30-17.

Málskjúttarnir vóru hesir: Martin Danielsen 9, Bjarni Selvindi 6, Ivan Mrdalo 5, Julian Mikkelsen 3, Rói Olsen 2, Kristian Eliasen 2, Eli Hansen 2 og Teitur Poulsen 1.

Steypafinalurnar verða leiktar 23. februar. Mótstøðuliðið verður Neistin A. Hetta verður ein torfør uppgáva, tí Neistin A hevur havt munin í dystunum í landskappingini í ár, men í undankappingini í steypakappingini vunnu okkara dreingir. Lagt er sostatt upp til eina sera spennandi finalu.

Vit ynskja D18 allar bestu eydnu í steypafinaluni. Somuleiðis heita vit á StÍF-fjepparar at seta kross í kalendaran 23. februar, so vit fara mannsterk til Havnar at stuðla dreingjunum.

Skrivað: Jógvan Andersen

Seinastu tíðindi

15. apr 2019

Nýggj heimasíða

Í samstarv við lokalu samskiftisfyritøkuni Qodio av Strondum hava…

26. feb 2019

Sølubásu­rin: Ongin vinnari funnin

Til steypafinalurnar í Høllini á Hálsi í vikuskiftinum høvdu vit…

22. feb 2019

Til Havnar vit fara

Stóra steypavikuskiftið í Høllini á Hálsi er fyri framman. Vit ha…

03. feb 2019

D18 í steypafinaluni

Aftur í ár er StÍF luttakandi felag í finalunum í Faxe Kondi-kapp…