Í komandi viku verður Fjarðastevna á Strondum.

Fyrsta tiltak á Fjarðastevnuni verður longu týsdagin, og seinasta á tiltak á stevnuni verður sunnukvøldið kl. 18.00. Skráin fyri komandi vikuna verður fjølbroytt, áhugaverd og spennandi. Tiltøk eru fyri allar aldursbólkar, so lesið skránna gjølla og setið striku undir tiltøkini, sum mugu upplivast.

Tvey tiltøk krevja tilmelding - Bindiklubbakvøldið týsdagin og Stevnudøgurðin sunnudagin. Freistin fyri at tekna seg til hesi tiltøk er í morgin, mánadagin 1. juli 2019. Meira kunning um hesi bæði tiltøk kann lesast her: Hugnaligt Bindiklubbakvøld og Stevnudøgurði.

Øll skráin fyri Fjarðastevnuna kann lesast her.

Stranda Ítróttarfelag ynskir øllum vælkomnum á Fjarðastevnu. Góða Fjarðastevnu!