Aftur

Tjaldur og StÍF saman um felagslið og nýggjan venjara/leikara

11 jul 2019

Grannafeløgini Hondbóltsfelagið Tjaldur av eystara armi og Stranda Ítróttarfelag (StÍF) av vestara armi á Skálafjørðinum hava avgjørt at samstarva. Í fyrstu atløgu snýr samstarvið seg um 1-3 felags ungdómslið. Hini liðini hjá feløgunum báðum fara eisini at venja saman við jøvnum millumbilum.​

Samstundis hava Tjaldur og StÍF gjørt avtalu við danan Mads Lindkvist sum nýggjan ungdómsvenjara hjá Tjaldur og leikara á mansliðnum hjá StÍF fyri komandi tvey kappingarárini. ​

Mads er 24 ára gamal og hevur drúgvar royndir sum hondbólsvenjari í hondbólsfelagnum í Hillerød á Sælandi. Eisini hevur hann spælt við fyrstaliðnum hjá felagnum, sum spælir í 2. deild í Danmark.​

Umframt at hava yvirskipaðu ábyrgdina av allari hondbólts- og styrkivenjing hjá Tjaldur, hava venjaraskeið, leggja venjingarskráir og vera stuðul og vegleiðari hjá hinum venjarunum, fer nýggi venjarin at venja einstøk lið við serligum denti á at venja og samansjóða nýggju felags Tjaldur/StÍF-liðini. Eisini fer hann at spæla við mansliðnum hjá StÍF.​

Aage Arnoldson og Alexandur Johansen, formenn í Tjaldur og StÍF, siga í stuttari viðmerking, at feløgini gleða seg nógv til nýggja samstarvið. Við at standa saman røkka vit longur enn hvør sær, og fara í felag at bera hondbóltin í økinum enn longur fram. Hetta stig er nú tikið, og vónandi verður undirtøkan fyri hondbóltinum í økinum og í kommununum rundan um fjørðin enn størri í komandi árini.​

Hondbóltsfelagið Tjaldur og Stranda Ítróttarfelag

Skrivað: Steinar A. Prestá

Seinastu tíðindi

20. sep 2019

Árskot 2019/­2020

Aftur í ár ber til at ogna sær árskort og við tí gerast ein partu…

16. sep 2019

Stuðuls­renning

Týsdagin 24. septembur 2019 kl. 18 skipar StÍF fyri stuðulsrennin…

13. sep 2019

Klaksvíkin stendur fyri skotum í fyrsta umfari

Eftir drúgvar fyrireikingar fer hondbóltskappingin í gongd komand…

09. sep 2019

Limagjald

Í ár verður hetta gjørt sum ein vanlig bankaflyting á konto 9181-…