Eftir drúgvar fyrireikingar fer hondbóltskappingin í gongd komandi viku. Bæði mansliðið og kvinnuliðið spæla fyrsta dystin í Klaksvík móti ávikavist Team Klaksvík og Stjørnuni.

Mikukvøldið 18. septembur kl. 20.00 verður Klaksvíkar Badmintonhøll karmur dyst í Okkara deildini millum Team Klaksvík og StÍF. Kvøldið eftir, hóskvøldið 19. septembur kl. 18.00, tekur Stjørnan móti StÍF í SMS deildini.

Broytingar eru, sum vera mann, farnar fram á leikaralistanum hjá øllum liðum, so tað verður áhugavert at síggja, hvussu okkara bestu lið leggja frá landi.

Vit heita á okkara viðhaldsfólk at møta fjølment at stuðla okkara liðum.