Týsdagin 24. septembur skipaðu vit fyri stuðulsrenning við Bygdahúsið á Strondum.

Hóast veðrið ikki var av tí allarbesta, runnu nógvu rennararnir ótroyttiliga tann ásetta hálva tíman.

Høvuðsendamálið við stuðulsrenning er eyðsæð at savna pening inn til felagið. At reka eitt felag sum okkara kostar, og tískil eru vit sera takksom fyri, at tit stuðla okkum, tá vit skipa fyri slíkum tiltøkum.

Eins og vit boðaðu frá undan stuðulsrenningini, vórðu virðislønir latnar. Ein fyri at renna longsta teinin og hin fyri at savna flest pengar.

Sólja Ernstdóttir rann longst, meðan Bjørk Mariusardóttir savnaði flest pengar.