Nú freistin at tekna seg til hondbóltskappingina í Viborg komandi summar er farin, eru vit sera fegin um at fortelja tykkum, at 53 leikarar koma við.

Generation Handball í Viborg (GH-Viborg) er ein stuttlig og mennandi hondbóltskapping. Men GH-Viborg er so nógv meir enn bara ein hondbóltskapping, og verður GH-Viborg tí eisini kallað fyri ein festival, ið byggir á trý virði : FUN, FIGHT og FRIENDSHIP.

Møguleiki verður eisini at kappast í strandarhondbólti (beach handball), og hava vit eisini atgongd til dystirnar hjá teimum eldru liðunum. Í 2018 vóru 185 ungdómslið, 23 vaksnamannalið (seniorhold) og 53 dómarar frá 20 ymiskum londum við í kappingini.

StÍF fegnast um, at vit kunnu fara avstað sum ein sterk eind, og á henda hátt vera við til at styrkja samanhaldið í felagnum.

Vit fara í næstum at arbeiða við at savna ferðalagið, soleiðis at foreldur, ið ynskja at koma við, eisini fáa ein góðan bústað.