Aftur

Kaito er StÍFari

13 mar 2020

StÍF hevur skrivað sáttmála við Kaito Nakahodo fyri restina av kappingarárinum. 

Kaito er 27 ára gamal og kemur úr býnum Urasoe-shi á oynni Okinawa í Japan. Hetta er sama býur, sum Haruka Gima er frá. 

Í høvuðsheitum spælir Kaito á miðjuni og á vinstra vongi. Hann er longu eitt kent navn í føroysku hondbóltskappingini. Fyrru helvt av hesum kappingarárinum hevur spælt við Team Klaksvík. Kaito byrjaði at spæla hondbólt í heimbýi sínum sum 7 ára gamal og helt fram, til hann fór á universitet í Kanagawa nærhendis Tokyo, har hann m.a. las um venjing innan hondbólt. Eftir staðið universitetsprógv flutti Kaito til Danmarkar at spæla við HEI í næstfremstu deildini og at venja ungdómar í felagnum. Leiðin gekk síðani aftur til heimbýin, har hann leikti í fremstu deildini í Japan, áðrenn Kaito flutti til Klaksvíkar at spæla hondbólt.

Kaito hevur eyðsýnd evnir í álopsspælinum. Í løtuni er Kaito á 10. plássi á toppskjúttalistanum, hóast hann ikki hevur leikt nakran dyst í 2020. Harafturat kann nevnast at Kaito hevur skorað flest brotskøst í kappingini (30). Eisini hevur Kaito gott eyga fyri sínum viðleikarum.

Kaito leikti við japanska U22 landsliðnum til kappingina East Asia Handball Championships í 2014, har hann varð kosin til virðismiklasta leikara hjá Japan umframt at gerast toppskjútti í kappingini.

Umframt at gera sítt besta fyri at StíF megnar at koma í hálvfinalurnar, hevur Kaito stórar ambitiónir um at sleppa við japanska landsliðnum til Olympisku Leikirnar í summar.

Ætlanirnar fyri komandi kappingarár eru, at Kaito, umframt at vera leikari, kemur at vera ungdómsvenjari í felagnum.

Vit gleða okkum at síggja Kaito á hondbóltsvøllinum og ynskja honum hjartaliga vælkomnan í felagið.

 

Skrivað: Steinar A. Prestá

Seinastu tíðindi

13. mar 2020

Kaito er StÍFari

StÍF hevur skrivað sáttmála við Kaito Nakahodo fyri restina av ka…

11. mar 2020

Corona: Allur hondbóltur avlýstur í 14 dagar

Góðu tit øll Allur hondbóltur, bæði kappingar og venjingar hjá v…

17. feb 2020

G15 skipa fyri brunsj

Sunnudagin 23.februar frá kl. 12.00 – 15.00 skipa G15 hjá StÍF fy…

14. feb 2020

G10 og G14 eru klárar til steypafinalunar

Februar er altíð ein serligur mánaði fyri hondbóltsáhugaði. Tað e…