Marius Joensen er nú settur sum høvuðsvenjari hjá besta kvinnuliðnum hjá StÍF.
StÍF hevur í dag, 30. oktober, skrivað undir sáttmála við Marius um, at hann verður venjari hjá kvinnunum kappingarárið 2021/22.
Hann fer eisini at hava ábyrgd av øllum gentualdursbólkunum. Til hesa uppgávu hevur hann fleiri hjálparvenjarar aftrat sær.
Marius hevur verið fyribils venjari hjá kvinnunum síðan samstarvið við undanfarna venjara endaði hálvan oktober.
Marius hevur drúgvar royndir sum hondbóltsvenjari hjá børnum, ungum og vaksnum.
Hann spældi í mong ár á besta liðnum StÍF. Hann hevur vunnið FM og fleiri ferðir verið steypavinnari.
Marius hevur kandidatsútbúgving í námsfrøðiligari sálarfrøði (Cand.pæd.pæd.psyk.). Hann hevur síðan 2012 arbeitt hjá Sernámi við børnum og ráðgivið námsfrøðingum.
Marius er 42 ára gamal, ættaður av Skála, men býr Strondum saman við familjuni.
StÍF ynskir Mariusi góða eydnu í starvinum.
StÍF
Marius Joensen, nýggjur høvuðsvenjari, og Rúni Rasmussen, formaður í StÍF.
Seinastu tíðindi
Kvinnuliðið fingið nýggjan leikara
Besta kvinnuliðið hjá StÍF hevur fingið ein nýggjan leikara, sum…
Okkara Rósing 70 ár!
Góði Rósing Hansen, Hjartaliga tillukku við teimum sjeyti í dag…
Jesper nýggjur venjari hjá StÍF
StÍF og Jesper Bak hava nú gjørt avtalu um samstarv hetta kapping…
Venjarabroyting í StÍF
Venjarabroyting er framd í StÍF. Peter Conrad Grove hevur sagt se…