Egi Gothard Danielsen er nýggjur formaður í StÍF. Hann bleiv valdur til formann av nýggju nevndini beint eftir aðalfundin, sum bleiv hildin týskvøldið 29. august í bygdahúsinum á Strondum.

Rúni Rasmussen, sum hevur verið formaður seinastu trý árini, stillaði ikki upp til formansval, men heldur fram í nevndini. Egi hevur verið næstformaður síðan hann kom í nevndina í fjør.

Í samband við formansskiftið sigur fráfarni formaðurin um farna formansskeiðið:” Tað hevur verið stór gleði at vera við til at menna StÍF saman við nógvum eldsálum. Ein av stóru og minniligu løtunum í var, tá ið okkara besta kvinnulið tók øll á bóli í 2021 og gjørdist føroyameistari. Eg fegnist um, at Sjóvar kommuna nú fer at byggja nýggja og nýmótans ítróttarhøll á Strondum. Eg ynski Ega góða eydnu í hansara spennandi uppgávu at mynda og leiða StÍF saman nevnd og StÍF-stuðlum.”

Nýggi formaðurin sigur um síni í mál í formanspostinum: “Mítt mál er at fáa hondbóltin á vestara armi meira sjónligan og at fáa fleiri fólk við í familjuna StÍF. Her hugsi eg um bæði ung sum eldri, spælarar, hjálparfólk og stuðlar.”

Nýggja nevndin skipaði seg soleiðis eftir aðalfundin:
Egi Gothard Danielsen, formaður
Ann Berg Christensen, næstforkvinna
Rúni Rasmussen, skrivari
Suni Ernstsson, kassameistari
Ólavur í Geil, nevndarlimur
Sára Mrdalo, nevndarlimur
Simona Paula á Fríðriksmørk, nevndarlimur
Alexandur Johansen, tiltakslimur

Nýggja nevndin er fjølbroytt og spent at fara til arbeiðis. Nógvar spennandi uppgávur liggja fyri framman hjá nevndini.

StÍF

Myndatekstur: Egi Gothard Danielsen, nýggjur formaður, Rúni Rasmussen, fyrrverandi formaður.