Venjarabroyting er framd í StÍF. Peter Conrad Grove hevur sagt seg úr starvi sum høvuðsvenjari hjá besta mansliðnum og hjá øllum dreingjaliðunum. Peter hevur verið í starvi hjá felagnum síðan fyrst í august.

Avtala er gjørd við Mads Lindkvist um, at hann beinanvegin tekur ábyrgd av mansliðnum og øllum dreingjaliðunum inn til nevndin hevur funnið eina varandi loysn so skjótt til ber. Mads hevur verið hjálparvenjari hjá mansliðnum síðan august. Mads hevur drúgvar og fjølbroyttar royndir sum venjari. 

StÍF